Ek karwan bana to bane karwan ke log
Yoon aa gaye zameen pe mere aasman ke log
Hum jaise hain magar woh hamari tarah nahi
Aaye hain kainaat mein qabl az jahan ke log
Gerya mein dilkashi nah rahi, Mir se kehdo
Ab qahqahay lagate hain aah o faghan ke log
Aatish mein jal sake na, hawaon mein ud sake
Paani mein beh gaye hain mere khakdan ke log
Dekha to koi bhi nah dikhayi diya mujhe
Socha to aa gaye kai wahm o gumaan ke log
Mojood jo nahi hain to phir yun hi janiye
Agle jahan mein hain mere pichhle jahan ke log
Ghalib, Firaq, Bulleh Shah, aur Janab-e-Mir
Yeh log hain Nadeem mere khandaan ke log
Yoon aa gaye zameen pe mere aasman ke log
Hum jaise hain magar woh hamari tarah nahi
Aaye hain kainaat mein qabl az jahan ke log
Gerya mein dilkashi nah rahi, Mir se kehdo
Ab qahqahay lagate hain aah o faghan ke log
Aatish mein jal sake na, hawaon mein ud sake
Paani mein beh gaye hain mere khakdan ke log
Dekha to koi bhi nah dikhayi diya mujhe
Socha to aa gaye kai wahm o gumaan ke log
Mojood jo nahi hain to phir yun hi janiye
Agle jahan mein hain mere pichhle jahan ke log
Ghalib, Firaq, Bulleh Shah, aur Janab-e-Mir
Yeh log hain Nadeem mere khandaan ke log