Ik aainay mein koi shakhs gham ka mara hai

Ik aainay mein koi shakhs gham ka mara hai
Samajh rahe ho mera kis taraf ishara hai

Ye soch lena mujhe chhondne se pehle tum
Tumhara ishq mera aakhri sahara hai

Tum aao aur kisi roz is ko le jaao
Bas ek saans hai is par bhi haq tumhara hai

Kuch is liye bhi ruke baarha qadam mere
Mujhe laga tha kisi ne mujhe pukara hai

Abhi to khaal udhadni hai is tamashe mein
Abhi dhamal mein jogi ne saans hara hai