Kise khabar thi mulaqat aakhri hogi

Kise khabar thi mulaqat aakhri hogi
Ke us ke hath mein sadiyan nahin ghadi hogi

Agar sawal nahin hon ge khamshi hogi
Sama'aton ko bhi aawaz ki kami hogi

Dhuwein ki dhund mein dhundlaye shehar ke logo
Tumhein shajar ki koi bad-dua lagi hogi

Jahan jahan pe bhanwar pad rahe hain pani mein
Wahin kahin pe koi aag bhi lagi hogi

Huzoor hukum to deeje ghulam hazir hai
Huzoor fikr nahin keeje naukri hogi

Nadeem saeen ajab tarz ka andhera hai
Charagh bolein to hujre mein roshni hogi