Muhabbat lazmi hai manta hoon
Meri ham-raqs main ab thak chuka hoon
Tumhara hijr kandhe par rakha hai
Makan se lamakan tak ja raha hoon
Barha deta hoon darje roshni ke
Main jugnoo ko sitara manta hoon
Meri pehli kamai hai muhabbat
Muhabbat jo tumhein main de chuka hoon
Koi to geet atka hai gale mein
Gawaya bhi nahin par ga raha hoon
Tilism-e-shab tujhe ik subah de kar
Tera ghoonghat uthana chahta hoon
Mere charon taraf ik shor sa hai
Magar phir bhi yahan tanha khada hoon
Muhabbat hijr nafrat mil chuki hai
Main taqreeban mukammal ho chuka hoon
Meri ham-raqs main ab thak chuka hoon
Tumhara hijr kandhe par rakha hai
Makan se lamakan tak ja raha hoon
Barha deta hoon darje roshni ke
Main jugnoo ko sitara manta hoon
Meri pehli kamai hai muhabbat
Muhabbat jo tumhein main de chuka hoon
Koi to geet atka hai gale mein
Gawaya bhi nahin par ga raha hoon
Tilism-e-shab tujhe ik subah de kar
Tera ghoonghat uthana chahta hoon
Mere charon taraf ik shor sa hai
Magar phir bhi yahan tanha khada hoon
Muhabbat hijr nafrat mil chuki hai
Main taqreeban mukammal ho chuka hoon