Safhay palat raha hoon main, sher suna raha hoon main
Apna yaqeen is tarah khud ko dila raha hoon main
Khona tha jis ko kho chuka, rona tha jitna ro chuka
Khud se mazaaq kar ke ab khud ko hansa raha hoon main
Umar guzar gayi meri hijr ki talkhiyon mein dost
Phir bhi kisi ko wasl ke khwab dikha raha hoon main
Yeh bhi khabar nahi mujhe, koza-gari ke shauq mein
Khud ko hi tod tod kar kis ko bana raha hoon main
Sheher bhi bas hi jaayega, log bhi aa hi jaayenge
Chhaaon banane ke liye ped uga raha hoon main
Tera khayal aa gaya, waqt-e-wasl aa gaya
So tere intezaar mein ghar ko saja raha hoon main
Jaane yeh kaisa khauf hai jis ke sabab mere Nadeemؔ
Yaad jisay nahi kiya, us ko bhula raha hoon main
Apna yaqeen is tarah khud ko dila raha hoon main
Khona tha jis ko kho chuka, rona tha jitna ro chuka
Khud se mazaaq kar ke ab khud ko hansa raha hoon main
Umar guzar gayi meri hijr ki talkhiyon mein dost
Phir bhi kisi ko wasl ke khwab dikha raha hoon main
Yeh bhi khabar nahi mujhe, koza-gari ke shauq mein
Khud ko hi tod tod kar kis ko bana raha hoon main
Sheher bhi bas hi jaayega, log bhi aa hi jaayenge
Chhaaon banane ke liye ped uga raha hoon main
Tera khayal aa gaya, waqt-e-wasl aa gaya
So tere intezaar mein ghar ko saja raha hoon main
Jaane yeh kaisa khauf hai jis ke sabab mere Nadeemؔ
Yaad jisay nahi kiya, us ko bhula raha hoon main