Sukhan Goyam Batarz-e-Oo Huwalhaq Hoo Huwalhaq Hoo

Sukhan goyam ba tarz-e Ou Hu al-Haq Hu, Hu al-Haq Hu
Ba hukm Hazrat-e Bahu Hu al-Haq Hu, Hu al-Haq Hu

Main us ke ishq ki masti, main us ke husn ki shokhi
Main us ke roo baroo Hu Hu, Hu al-Haq Hu, Hu al-Haq Hu

Mujhi mein taal aur sur hai, mujhi mein raag aur gur hai
Mujhi mein Hu ba Hu Ya Hu Hu al-Haq Hu, Hu al-Haq Hu

Wisaal-e-Yaar khush aamad, faraq-e-Yaar khush aamad
Ayaan Hu Hu, nihaan Hu Hu Hu al-Haq Hu, Hu al-Haq Hu

Badan ke mashriqon mein maghribon mein bandagi us ki
Har ik janib hoon Qibla roo Hu al-Haq Hu, Hu al-Haq Hu

Tere iqraar se main hoon, mere inkaar se tu hai
So ab hona na hona Tu Hu al-Haq Hu, Hu al-Haq Hu

Azaan-e-Wisaal sunta hoon, so izn-e-Wisaal paata hoon
Hu al-Haq Hu, Hu al-Haq Hu Hu al-Haq Hu, Hu al-Haq Hu