Eman

Saheliyon ne kaha
Dor falsafay ka nahin
Diloon mein baat nahin sirf khoon hota hai
Wohi to main ne kaha
Baat saari khoon ki hai
Badan mein koi bhi tahreek dil se hoti hai
Aseel logon ki tasdeeq dil se hoti hai

Saheliyon ne kaha
Ishq weshq kuch bhi nahi
Tamaam khel badan ka hai aur haus ka hai
Wohi to main ne kaha
Khel sab badan ke hain
Kisi jamal ko jismon mein hum utaarte hain
Phir usko dekh ke ek woham ko pukaarte hain

Saheliyon ne kaha
Ab karamaten kaisi
Kisi mazaar pe dhaagon ka koi kaam nahi
Wohi to main ne kaha
Dhaaghe waaghe kuch bhi nahi
Darasal hum koi paiman bandhte hain wahan
Karamaten nahi, imaan bandhte hain wahan

Saheliyon ne kaha
Khawab soch hote hain
Yeh khwahishon se ubharta hai aur kuch bhi nahi
Wohi to main ne kaha
Soch khawab hote hain
Humara hona bhi darasal khawab jaisa hai
Humara hijr to kya, wasl khawab jaisa hai