Khayal-e-yaar ki ungli kisi masoom jazbe ne pakad li hai
Faseel-e-ishq ki buniyad se awaaz yeh aayi
Ke baba zidd nahi karte
Mohabbat aisi aawara musaafat se nahi milti
Qabeelay chhoot jaate hain
Hum aise log to darasal chaahat ke khilonay hain
Jo aksar toot jaate hain
Mohabbat ke shabistan mein rehaish kaise mumkin ho
Ke hum mehnat-e-kash-e-ahl-e-wafa aksar
Kisi zindan ki deewar mein chinwaaye jaate hain
Kabhi sahraon se nikle bhi to patthar ke phoolon se
Badan mehekaye jaate hain
Kisi roothay hue ko hum manayein to zyada rooth jaata hai
Mohabbat aisa dhaagha hai
Jise hum kis ke baandhein bhi to aksar toot jaata hai
Faseel-e-ishq ki buniyad se awaaz aayi
Ishq teesha aur sir ka darmiyan faasla hai
Jis ko tay karne lagayen to umr bhar chalna bhi kam hai
Aur thak jaayein to ek lamha bhi kaafi hai
Faseel-e-ishq ki buniyad se awaaz yeh aayi
Ke baba zidd nahi karte
Mohabbat aisi aawara musaafat se nahi milti
Qabeelay chhoot jaate hain
Hum aise log to darasal chaahat ke khilonay hain
Jo aksar toot jaate hain
Mohabbat ke shabistan mein rehaish kaise mumkin ho
Ke hum mehnat-e-kash-e-ahl-e-wafa aksar
Kisi zindan ki deewar mein chinwaaye jaate hain
Kabhi sahraon se nikle bhi to patthar ke phoolon se
Badan mehekaye jaate hain
Kisi roothay hue ko hum manayein to zyada rooth jaata hai
Mohabbat aisa dhaagha hai
Jise hum kis ke baandhein bhi to aksar toot jaata hai
Faseel-e-ishq ki buniyad se awaaz aayi
Ishq teesha aur sir ka darmiyan faasla hai
Jis ko tay karne lagayen to umr bhar chalna bhi kam hai
Aur thak jaayein to ek lamha bhi kaafi hai