Khasara

Abhi to zehan ki gothri mein maine bandh rakha tha
Meri ek nazm ka ek band mujh se kho gaya hai
Na jaane kyun meri har satar mein uski kami mojood rehti hai
Takhayul mein bohot bhatki hui sochen
Qalam ki nok se roothi hui hain
Khayal-e-taza bhi ek sog mein hai
Sog jo aankhon mein hota hai
Koi bhi lafz likhta hoon
To mere samne khooya hua woh band aajata hai
Jis mein tum hi tum ho
Na jaane kyun mein tum ko bhoolne ka sochta hoon to
Mere ashaar mujh se rooth jate hain
Ke mein is reetli mitti se jitne bhi banata hoon
Khilone toot jate hain