Maadhu Laal

Qabrastaan ke gird bane bazaar mein
Murda logon ko main dekh raha hoon
Dhoop mein lapti chhupdi roti
Bhook ka saalan
Meetha aur namkeen zubaan ko poora zaiqa bakhsh rahe hain
Mitti ke piyaale paani ke zehr ko choos rahe hain
Shaah Hussain ka langar
Madholal ke bartan
Langar khane wale bartan dekh rahe hain
Tan ke bar ne man ki bhook mitayi hai
Shaah Hussain ne ramz yehi samjhayi hai
Is chalte bazaar mein chal kar
Jalti hui ak aag mein jal kar
Zeer zabar mein uljha pesh hua hai
Madhol ka darvish hua hai
Aur darvish pe nuqta bojh bana hai
Nuqta nutq hua
Kalimay ka bhay khula
`Laam` aur `Hey` mein nuqta saut bana
Aankhon waalo dekh rahe ho
Shaah Hussain ne Madholal ka burqa odha
Nuqta khatam kiya aur nuqta khola