Nazm likhte hue sochna chahiye
Nazm tootegi to shaairon ke qalam par kisi cheekh ka aik dhabba lagega
Koi aag janglat jalaaye bina hi bujhe gi
Kahin aab o gil ki kahani rukegi
Koi baat honton se chipki rahe gi
Nazm taqdeer hai
Faailan faailan faailan ki musallas ke peeche chhupi aik zanjeer hai
Nazm aankhon se behte hue khoon ki aik tehreer hai
Nazm chidiya nahi hai jise aab o daana ke lalach mein
... koi shikaari pakad kar kahin bech de
Nazm patthar nahi jo kisi bhi dawane ko maaro to zakhmon se Leila mare
Nazm to char komal suron, re, ga, dha, ni ka aik sangeet hai
Nazm man maet hai
Qafiyon ke talismat aur sawt ke boodhe aahang se nazm banti nahi
Apne fankaar ki simt jaati hui
Muskarati hui, gungunati hui
Nazm gardish mein hai
Aur ye gardish faqat qafiyon aur radeefon ki gardish nahi
Ye zaman o makaan se paray la-makaan ki talab mein
Gunaahon sawabon se nikli hui aik gardish hai
Jismein kisi devta ya peri zaad ki koi khwahish nahi
Daad se bhi paray aur dramaai andaaz se bhi paray
Apni gardish mein gum
Nazm hairat ke maaron ki aik roshni
Nazm mitti ke geeton ki aik raagni
Nazm azaad hai aur ghulamon ki faryad hai
Nazm dukh hai khushi jis mein aabaad hai
Nazm insaan ka roop dhaare hue
Ghaaar se yaar tak le ke jaata hua aik dastoor hai
Nazm azaad aur pehli awaaz hai
Khaak hai noor hai khoon hai
K aur N hai
Nazm jannat mein Adam ne tanhaai mein jab kahi thi to Hawa bani
Nazm aankhon se hoti hui pisliyon mein ruki thi to Hawa bani
Nazm kehne ko to shaayari hai magar shaayari hi nahi
Shaayari to ghazal ke tamasha giron ka tamasha hui
Nazm to raaz hai
Nazm fitrat ka sangeet aur saaz hai
Nazm Bahoo ka irfaan, Bulleh ka wijdan Khawaja ki dastaar hai
Nazm Khusro ki masti hai Mansoor ka daar hai
Nazm Rumi o Saadi o Iqbal o Attar hai
Nazm hairat ke maaron ka inkaar hai
Nazm Isa ke lab se ada jab hui to mohabbat bani
Aur maabed ke dastoor ko rondhti zabtah ban gayi
Nazm Raawan ki Lanka jalati hui
Qahar dhaati hui
Gungunati hui, muskurati hui
Aag hai, raag hai, bhaag hai
Nazm likhte hue sochna chahiye
Nazm tootegi to shaairon ke qalam par kisi cheekh ka aik dhabba lagega
Koi aag janglat jalaaye bina hi bujhe gi
Kahin aab o gil ki kahani rukegi
Koi baat honton se chipki rahe gi
Nazm taqdeer hai
Faailan faailan faailan ki musallas ke peeche chhupi aik zanjeer hai
Nazm aankhon se behte hue khoon ki aik tehreer hai
Nazm chidiya nahi hai jise aab o daana ke lalach mein
... koi shikaari pakad kar kahin bech de
Nazm patthar nahi jo kisi bhi dawane ko maaro to zakhmon se Leila mare
Nazm to char komal suron, re, ga, dha, ni ka aik sangeet hai
Nazm man maet hai
Qafiyon ke talismat aur sawt ke boodhe aahang se nazm banti nahi
Apne fankaar ki simt jaati hui
Muskarati hui, gungunati hui
Nazm gardish mein hai
Aur ye gardish faqat qafiyon aur radeefon ki gardish nahi
Ye zaman o makaan se paray la-makaan ki talab mein
Gunaahon sawabon se nikli hui aik gardish hai
Jismein kisi devta ya peri zaad ki koi khwahish nahi
Daad se bhi paray aur dramaai andaaz se bhi paray
Apni gardish mein gum
Nazm hairat ke maaron ki aik roshni
Nazm mitti ke geeton ki aik raagni
Nazm azaad hai aur ghulamon ki faryad hai
Nazm dukh hai khushi jis mein aabaad hai
Nazm insaan ka roop dhaare hue
Ghaaar se yaar tak le ke jaata hua aik dastoor hai
Nazm azaad aur pehli awaaz hai
Khaak hai noor hai khoon hai
K aur N hai
Nazm jannat mein Adam ne tanhaai mein jab kahi thi to Hawa bani
Nazm aankhon se hoti hui pisliyon mein ruki thi to Hawa bani
Nazm kehne ko to shaayari hai magar shaayari hi nahi
Shaayari to ghazal ke tamasha giron ka tamasha hui
Nazm to raaz hai
Nazm fitrat ka sangeet aur saaz hai
Nazm Bahoo ka irfaan, Bulleh ka wijdan Khawaja ki dastaar hai
Nazm Khusro ki masti hai Mansoor ka daar hai
Nazm Rumi o Saadi o Iqbal o Attar hai
Nazm hairat ke maaron ka inkaar hai
Nazm Isa ke lab se ada jab hui to mohabbat bani
Aur maabed ke dastoor ko rondhti zabtah ban gayi
Nazm Raawan ki Lanka jalati hui
Qahar dhaati hui
Gungunati hui, muskurati hui
Aag hai, raag hai, bhaag hai
Nazm likhte hue sochna chahiye