Waapsi

Agar aag ho to
Meri lakdiyon se hi bhadko ge ek din
Agar aab ho to
Isi pul ke neeche se guzro ge ek din
Agar tum hawa ho
To mujh peed se ho ke uncha urdo ge
Agar khaak ho to
Mere hi badan mein samaaye raho ge

Mujhe chhod kar tum kahan ja baso ge
Ke main woh akai hoon
Jis ki badolat anasir ne tartib paayi
Ke jis ne lataafat, kasafat milaayi
Main woh aankh hoon
Jis ne sheeshe pe paara chadhaya
Aina banaya

Agar tum kabhi khud ko dekho ge to woh meri aankh hogi
Bhli aankh hogi
Kisi ko zameen to kisi ko yahaan aasmaan dekhna hai
Tumhein mujh se behtar kisi ne bhala ab kahaan dekhna hai