شدید گریہ کا مطلب بتا رہا تھا ہمیں
وہ رو رہا تھا کہ رونا سکھا رہا تھا ہمیں
ہم اس کے اٹھے ہوئے ہاتھ کی طرف بھاگے
پتہ چلا کہ وہ رستہ دکھا رہا تھا ہمیں
ضرور اس کا کوئی پیاس سے مرا ہوگا
وہ کتنے پیار سے پانی پلا رہا تھا ہمیں
بجھا رہا تھا چراغوں کو اپنی سانسوں سے
اور اپنے نور کی لو سے جلا رہا تھا ہمیں
پہاڑ اس کے علاقے میں ڈھیر ہوتے ہیں
وہ اپنے گاؤں کی باتیں سنا رہا تھا ہمیں
ترے وصال کی خوشبو تھی چار سو جس دم
ترا فراق گلے سے لگا رہا تھا ہمیں
ہم اپنے آپ کو ویسا سمجھ رہے تھے ندیم
ہمارے بارے میں جیسا بتا رہا تھا ہمیں
وہ رو رہا تھا کہ رونا سکھا رہا تھا ہمیں
ہم اس کے اٹھے ہوئے ہاتھ کی طرف بھاگے
پتہ چلا کہ وہ رستہ دکھا رہا تھا ہمیں
ضرور اس کا کوئی پیاس سے مرا ہوگا
وہ کتنے پیار سے پانی پلا رہا تھا ہمیں
بجھا رہا تھا چراغوں کو اپنی سانسوں سے
اور اپنے نور کی لو سے جلا رہا تھا ہمیں
پہاڑ اس کے علاقے میں ڈھیر ہوتے ہیں
وہ اپنے گاؤں کی باتیں سنا رہا تھا ہمیں
ترے وصال کی خوشبو تھی چار سو جس دم
ترا فراق گلے سے لگا رہا تھا ہمیں
ہم اپنے آپ کو ویسا سمجھ رہے تھے ندیم
ہمارے بارے میں جیسا بتا رہا تھا ہمیں