فر اپنے مالک آپ ہاں جد کسے نہ لایا مُل
اساں اپنی قیمت آپ ہاں اساں اپنے بھار دا تُل
اساں سید ہاں مخدوم ہاں اساں اپنے خادم آپ
ساڈی لوں لوں چشمہ پریم دا ساڈا دم دم ھو ھو جاپ
اساں بھکھیاں اکھیاں والڑے ساڈا رازق سوہنا مکھ
اساں عادی درشن یار دے ساڈی مکنی نئیوں بھکھ
سانوں سونے دا ہن رنگ دے اساں پارہ بیٹھے مار
سانوں اکھیاں دیون والیا ہن بخش وی دے دیدار
اساں سجدے کیتے پریم نوں تے رج کمائے پاپ
ہن ہتھ نہ لائیں مورکھا سانوں چڑھیا عشق دا تاپ
اساں فصلاں گڑیاں ماریاں جناں بھوگے تیرے قہر
اساں سِویاں لگے بانس ہاں تے اجڑے ہوئے شہر
کدی آ اساڈے کول وی تے ویکھ اساڈی لہر
کدی شاہ رگ ساڈی چھوڑ کے ساڈے دل دے اندر ٹھہر
سن طور تے ملن والیا اسمان نوں تے سمجھا
ایہہ دھرتی پیا اجاڑدا اہنوں سدھے رستے لا
ایہہ ویری ہویا پریم دا تے پردے دیندا کھول
ایہہ گنگیاں وانگوں جاپدا تے بولے اچے بول
ایہہ مخبر ہے ابلیس دا تے گلاں دیندا دس
جے تیرے وس وچ نئیں ریہا تے پا اساڈے وس
اساں اپنی قیمت آپ ہاں اساں اپنے بھار دا تُل
اساں سید ہاں مخدوم ہاں اساں اپنے خادم آپ
ساڈی لوں لوں چشمہ پریم دا ساڈا دم دم ھو ھو جاپ
اساں بھکھیاں اکھیاں والڑے ساڈا رازق سوہنا مکھ
اساں عادی درشن یار دے ساڈی مکنی نئیوں بھکھ
سانوں سونے دا ہن رنگ دے اساں پارہ بیٹھے مار
سانوں اکھیاں دیون والیا ہن بخش وی دے دیدار
اساں سجدے کیتے پریم نوں تے رج کمائے پاپ
ہن ہتھ نہ لائیں مورکھا سانوں چڑھیا عشق دا تاپ
اساں فصلاں گڑیاں ماریاں جناں بھوگے تیرے قہر
اساں سِویاں لگے بانس ہاں تے اجڑے ہوئے شہر
کدی آ اساڈے کول وی تے ویکھ اساڈی لہر
کدی شاہ رگ ساڈی چھوڑ کے ساڈے دل دے اندر ٹھہر
سن طور تے ملن والیا اسمان نوں تے سمجھا
ایہہ دھرتی پیا اجاڑدا اہنوں سدھے رستے لا
ایہہ ویری ہویا پریم دا تے پردے دیندا کھول
ایہہ گنگیاں وانگوں جاپدا تے بولے اچے بول
ایہہ مخبر ہے ابلیس دا تے گلاں دیندا دس
جے تیرے وس وچ نئیں ریہا تے پا اساڈے وس